ANUNCIOS POR PALABRAS

(Imaxe baixada de internet)

Inspirados no libro de Agustín Fernández Paz, CONTOS POR PALABRAS, que acabamos de ler, elaboramos por grupos estes anuncios, con imaxinación e sentido do humor. 

*Cambio Galicia por Hawai. Non é culpa miña que chova.

*Vendo mina por 100.000 €. Unha ganga. É de lapis.

*Presto profesora. Tranquilizantes incluídos.

*Vendo fermosa pola gorda. Só ten un defecto: non pon ovos.

*Búscase persoa especialista en tinguir roupa. Sobresoldo se se presenta cun calamar xigante.

*Presto bicicleta sen rodas. Única condición: devolver coma nova.

*Vendo coche sen volante para que non te estampes. 100 % seguro, sempre vai recto.

*Ofrezo nada por todo. Por todo o que queiras, non te queixes.

*Vendemos televisor antigo. Como non ten canais, pódesllos poñer ao teu gusto.

*Cambio mono por un plátano de Canarias. Aviso: non se devolve.

*Vendo cinco pavos por cinco pavos.

*Búscase adestrador de salsas bravas. Coidado co tabasco, pode poñerse agresivo.

*Desesperado busca licencia para castigar á mestra. Pásase moito cos deberes.

*Ocasión única. Vendo casa por un euro. Son demasiado nugallán para poñerlle os ceros.

*Presto coches cochos. Limpacristais e trapos incluídos.

*Ofrécese can desde as dúas ás catro da tarde. Importante: traer bolsa para recoller o agasallo diario.

*Cámbiase oso por peluche. Aconséllase sacalo da casa a media mañá. Non me fago responsable dos seus actos.

*Véndese boli de catro cores superespecial: tres deles non van.

*Presto coche asqueroso. Devólvesmo cando estea limpiño.

*Véndese anciá. Coidado que non caia, é de porcelana.

*Ofrezo cabalo. Moi bo de manter, é de pau.

*Cambio tres Monsters por coche de calquera marca, tamaño ou cor. Iso si, non se admiten devolucións.

*Presto medo. Asusta.

*Precísase canguro con experiencia para entreter á mestra.

*Ofrezo xardín abandonado para que practiques xardinaría, ata que estea perfecto.

*Vendo clase. Coidado cos nenos.

*Cambio cabalo por coche. Non intentes botarlle gasolina.

*Vendo pedra como animal de compañía estupendo: non dá ningún traballo e non come.

*Ofrezo libro sen letras, para que o escribas ao teu gusto.

*Véndese ordenador sen memoria. Perfecto para adestrar a túa.

*Ofrécese traballo de limpacristais. Non pagamos seguro médico, pero prestamos muletas usadas.

*Cambio coche por ambulancia para saltar os semáforos.

*Búscase profesor de inglés para Ana Botella. A poder ser, profesional.

ALUMNOS/AS DE 6º A