REGUEIFAS DE DESPEDIDA

Cando ía en parvuliños

todo era moi doado,

despois chegou a primaria,

viña á casa moi cansado.

Logo pasaron seis anos

(Imaxe baixada de internet)

agora xa estou en sexto,

xa se está acabando o curso,

eu non quero ir para a E.S.O.

Xa rematamos primaria

tamén a etapa infantil,

agora quédanos ESO,

para marchar xa de aquí.

Onte empecei infantil

e hoxe termino primaria,

non sei o que nos espera

nos cursos de secundaria.

Lévoche aquí moito tempo,

xa non me acordo de moito.

Viñemos aquí pequenos

e xa sabemos de todo.

(Imaxe baixada de internet)

Xa chegou o fin do curso

xa non somos uns neniños,

e os mestres aínda cren

                  que somos pequerrechiños.

Non paramos de falar

sómosche moi falangueiros,

tamén sabemos ligar

e somos moi trapalleiros.

Cando os profes dan as notas

rematamos xa primaria,

e se aprobamos todiño

imos cara á secundaria.

Xa pasamos para a ESO

moitas máis asignaturas,

a de plástica mandoume

que comprara máis pinturas.

Os profesores da ESO

van padecer máis ca moito

porque os que imos de primaria

somos moitos máis ca oito.

¡Ai miña Edita querida!

Non che era Miss España,

pero para profesora

seica daba ben a talla.

(Imaxe baixada de internet)

A nosa profe Edita,

está farta xa de nós,

quere perdernos de vista

e que nos aguante Dios.

A profe vai xubilar,

nós fixémoslle unha festa

e comprámoslle uns pendentes,

parecía estar contenta.

Parecía estar contenta,

nós fixémoslle unha festa,

grazas a Santi e David

ata tivemos orquestra.

Nós o próximo verán

(Imaxe baixada de internet)

pensamos ir pasear,

quedaremos cos amigos

que temos que disfrutar.